Ҳурматли фермер хўжаликлари ва қишлоқ
хўжалик корхоналари раҳбарлари!
Ўзбекистон Республикаси Президентининг топшириғига асосан ҳамда мамлакатимиз фермер хўжаликларининг моддий манфаатдорлигини ошириш ва молиявий қўллаб-қувватлаш мақсадида 2026 йил ғалла ҳосили ҳисобидан етиштирилган буғдойни хар бир тоннаси учун 3 200 000 сўмдан (ўтган йилга нисбатан 27 фоизга ошган) Қишлоқ хўжалигини давлат томонидан қўллаб-қувватлаш жамғармаси томонидан харид қилиниши маълум қилинади.
Жамғарма томонидан 2026 йил ғалла ҳосили ҳисобидан давлат ресурсларига 1 500 000 тонна(ўтган йилга нисбатан 25 фоизга кўп) буғдой харид қилиниши белгиланган.
“Ўзбекистон республика товар-хомашё биржаси” АЖ 2026 йил
январь — апрель ойларида 3-синф буғдой учун биржада шаклланган ўртача нархдан келиб чиқиб, 3-синф буғдой учун ўртача нархни ўзининг расмий веб-сайтида 3 032 780 сўм деб эълон қилган. (https://uzex.uz/fr/pages/commodities-quotes)
Жамғарманинг ишонч телефони: 71-239-02-19
