O‘zbekiston Respublikasi Prezidentining 2019 yil 4 apreldagi “Agrar sektorni qishloq xo‘jaligi texnikalari bilan o‘z vaqtida ta’minlashga oid qo‘shimcha chora-tadbirlar to‘g‘risida”gi PQ-4268-sonli qarori asosida Vazirlar Mahkamasining 2019 yil 12 iyuldagi ”Qishloq xo‘jalik mahsulotlari ishlab chiqaruvchilarini moddiy-texnik bazasini yanada mustahkamlash chora-tadbirlari to‘g‘risida”gi 578-sonli qarori qabul qilindi.
Unga ko‘ra, qishloq xo‘jaligi sohasidagi korxonalarning respublikada ishlab chiqarilgan quyidagi
- barcha turdagi traktorlar, ya’ni, haydov, chopiq, transport va bog‘dorchilik traktorlari;
- ko‘p vazifali pnevmatik va mexanik seyalkalar;
- uch yoki undan ortiq korpusli aylanma omochlarni kredit yoki lizingga xarid qilinganda kredit yoki lizing shartnomalari bo‘yicha foiz xarajatlarining 10 foizlik punkti miqdorida qoplab berilishi belgilandi.
Bugungi kunda, ushbu qarorlar asosida Jamg‘arma bilan ATB “Agrobank”, AT “Hamkorbank” va “Asaka-trans-leasing” MCHJlar bosh kelishuvni imzolagan.
